नेपाली साहित्य जगतमा एउटा चर्चित नाम हाे रत्नप्रसाद अनामणि श्रेष्ठ। काभ्रेकाे नालामा पिता लालबहादुर श्रेष्ठ र माता जनकमाया श्रेष्ठका सुपुत्रका रूपमा २०२६ असाेज ६ गते जन्मनु भएका श्रेष्ठले एम.ए,बि.एड सम्मकाे शिक्षा हासिल गर्नुभएकाे छ । २०४५ सालमा पंचायत मासिकमा उहाँकाे पहिलाे पटक कविता प्रकाशन भएकाे थियाे।
उहाँले चार दशकदेखि निरन्तर गजल, हाइकु, कविता, निबन्ध, समिक्षा, बालसाहित्य, मुक्तक, नाटक क्षेत्रमा कलम चलाउदै आउनु भएकाे छ । विभिन्न साहित्यिक संघ संस्थाबाट सम्मानित स्रष्टा रत्नप्रसाद अनामणिका दुई दर्जन भन्दा बढि कृतिहरू प्रकाशित छन्।
खाेज अनलाइन रेडियाे, खाेज अनलाइन टेलिभिजन, साहित्यिक पत्रकारिताका साथै विभिन्न सामाजिक क्षेत्रमा सक्रिय हुनुहुन्छ उहाँ । आज हामीले उहाँका केही हाइकुहरू यहाँ प्रस्तुत गर्दछौँ।
१.
फेरि भेटियाे
एकजाेडी गौंथली
गर्मीकाे याम ।
२.
माया पिरती
नगद र उधाराे
घाम र पानी।
३.
राेपी पसिना
मलाई मुक्ति देऊ
नयाँ नेपाल ।
४.
पाहुना हामी
संसार धर्मशाला
खहरे खाेला ।
५.
मान्छे जन्मनु
घटना परिघटना
हजाराैं प्यास।
६.
फाेहाेरी खेल
सचेत हुनुपर्ने
जिन्दगी भर ।
७.
तिम्राे मुहार
भेटमा छचल्किने
असारे पानी ।।
