आयो तिहार

सयपत्री , मखमली फूल्न थाले साथी
चंगा पनि उड्न लागे आकाशमा माथि

तल तिर बेसी खेतमा धान झुल्न थाल्यो
माथि भेडाबारी तिर कोदो फुल्न थाल्यो
न त जाडो न छ गर्मी मौसम राम्रो कस्तो
हुन थाल्यो बल्ल तिहार आए आए जस्तो

काग कुकुर गोरु अनि गाईको पूजा गर्छन्
दिदी बैनी आफ्ना दाजु भाइको पूजा गर्छन्
ईन्द्रेनीको सातै रङ्ग निधारमा टाँस्दै
देउसी भैलो गाउँनुपर्छ नाच्दै अनि हाँस्दै ।