“सुनन अजु एउटा छोरी पाउँला
जसको रुप तिम्रो जस्तो अनि
दिमाग मेरो जस्तो होस्।
बर्षा याममा छानो चुहिइएला
दुबै मिलि छाउला, म धुरी चढ्छु
तिमी टायल समाउन दिनु”
यस्तै यस्तै तितामिठा
जिन्दगीका कुराहरु
गर्ने गर्थ्यौ तिमी हरेक रात फोनमा ……..
तिमी त मेरो जिन्दगी हौ
तिमी बाहेकको जिन्दगी त म
सोच्न पनि सक्दिन यार
भन्दै झारेका ती आँसु
गलत साबित भए आज
जसलाई मैले चोखो माया सम्झेको थिए
कुनै दिन
साह्रै नमज्जा लाग्यो
मलाई बेहुली बनाउने सपना
बोकेर हिडेको तिमीले
अरुलाइ नै अँगालेर
सञ्जालमा फोटो पोस्ट्याउँदै गर्दा
मैले बुझ्न नसकेको
अनि जान्न चाहेको
एउटा प्रश्न गर्छु तिम्लाई
अब चाहिँ मलाई भ्रममा नराखी
जवाफ देउ ल
भन्देउ न एक पटक साच्चै तिम्ले
विवाह नै गर्यौ कि सम्झौता ?
प्रतिक्रिया
