झिलिमिली देखियो
रङ्गीचङ्गी टालाको
सुर्के थैली क्या राम्रो
खुँडा बाको पालाको ।
जुँगा तान्दा मुसुक्क
हाँस्ने गज्जब तालको
अहिले हैन बनेको
हजुरबाको पालाको ।
लुकाएर अलक्क
राख्छु पिँधमा डालाको
थाहा छ कि छैन लौ
हजुर माको पालको ।
पैसा राख्दा टुमुक्क
मक्ख पर्ने तालको
तिमीलाई थाहा छैन र ?
हाम्रा बाको पालाको ।
बन्यो होला कहिले ?
कुन्नि कति सालको ?
सोध्दा दाइले भन्नु भो
हाम्री आमाको पालाको ।
मलाई पनि मन पर्यो
थैली नौलो खालको
भए पनि केही छैन
जोसुकैका पालाको ।
प्रतिक्रिया
