कविता: समयलाइ प्रश्न

सम्झन मन लाग्छ-
बिगतका पलहरू
सम्झन मन लाग्छ-
बाटो बिराई हिँडेका दिनहरू
सम्झन मन लाग्छ-
ठेसलाग्दा दुखेका यी औलाहरु
सम्झन मन लाग्छ-
जिन्दगीका भोगाइहरु

सम्झन मन लाग्छ-
सुनसान रातमा मेरा हातले तिम्रो कपाल सुम्सुमाएको
सम्झन मन लाग्छ-
मेरो काखमा तिमी निदाएको
सम्झन मन लाग्छ-
बितेका पल, थाकेर सुस्ताएका दिनहरू

सम्झन मन लाग्छ-
गोरेटोमा तिमीले गरेको स्पर्श
मैले गरेको प्रेम
घरी घरी समयलाइ प्रश्न गर्न मन लाग्छ
मेरा रमाइला क्षण अझै जीवित छन् ?

कविको परिचय
नाम: सरिता पराजुली
जन्म स्थान – धर्मस्थली काठमाडौं
हाल निवास- रोज भिलेज बालकोट, भक्तपुर

प्रकाशित पुस्तकहरु
( प्रेमिल प्रतिध्वनी कविता संग्रह )
( थेम्स किनार वरिपरि नियात्रा(नियात्रा संग्रह )

प्रकाशोन्मुख:
लघुकथा संग्रह- १
नियात्रा संग्रह- १
कविता संग्रह- १