सूचना: खुला कविता प्रतियोगिताको उत्कृष्ट ३० को नतिजा सार्वजनिक तथा आगामी चरणसम्बन्धी जानकारी

📌
सूचना: खुला कविता प्रतियोगिताको उत्कृष्ट ३० को नतिजा सार्वजनिक तथा आगामी चरणसम्बन्धी जानकारी
📌

सम्पूर्ण आदरणीय कवि तथा साहित्यानुरागीहरूमा हार्दिक साहित्यिक अभिवादन !

हाम्रो कथाघर डट कम (साहित्यिक ई-पत्रिका)को आगामी असार २ गते (२०८३) सम्पन्न हुन गइरहेको तेस्रो वार्षिकोत्सवको अवसर पारेर आयोजना गरिएको ‘खुला कविता प्रतियोगिता’मा यहाँहरूले देखाउनुभएको उत्साहजनक सहभागिताका लागि हार्दिक आभार व्यक्त गर्दछौँ । गत वैशाख १५ गतेदेखि ३० गते साँझ ७:०० बजेसम्मको समयावधिमा देश–विदेशबाट हामीलाई करिब २०० कविताहरू प्राप्त भएका थिए । जसमध्ये नियमपूर्वक प्राप्त भएका १४८ कविताहरूलाई कोडिङ गरी मूल्याङ्कनका लागि निर्णायक मण्डलसमक्ष पेस गरिएको थियो । (तोकिएको शब्द सीमा नाघेका, अपूर्ण र पूर्ण विवरण संलग्न नभएका कविताहरूलाई पूर्वसूचनाअनुसार प्रतिस्पर्धामा समावेश गरिएको थिएन ।)

आज मिति २०८३ जेठ ५ गते, गठित निर्णायक मण्डलको सूक्ष्म मूल्याङ्कनपश्चात् उत्कृष्ट ३० भित्र पर्न सफल कविताहरूको सूची तपाईँहरूसमक्ष सार्वजनिक गर्दछौँ । उत्कृष्ट ३० मा पर्न सफल सम्पूर्ण कविज्यूहरूलाई हार्दिक बधाई तथा शुभकामना व्यक्त गर्दछौँ । 🎉

📝
उत्कृष्ट ३० मा छनोट हुनुभएका कविहरूको नामावली:

(कविको नामको वर्णानुक्रमअनुसार)

👇 आगामी चरणका लागि आवश्यक प्रक्रिया र नियमहरू:

अन्तिम नतिजाका लागि उत्कृष्ट ३० मा छनोट हुनुभएका कविहरूले निम्न प्रक्रियाहरू अनिवार्य रूपमा पूरा गर्नुपर्नेछ:

१. भिडियो प्रेषण: छनोटमा पर्नुभएका कविहरूले आआफ्नो कविता वाचन गरेको भिडियो यही २०८३ जेठ ९ गते साँझ ६:०० बजेभित्र तल उल्लिखित इमेल वा ह्वाट्सएप (WhatsApp) मार्फत अनिवार्य रूपमा उपलब्ध गराउनुपर्नेछ ।

२. भिडियोको सुरुवात: भिडियोमा कविता वाचन गर्नुपूर्व कविले आफ्नो नाम, ठेगाना र कविताको शीर्षक उल्लेख गर्दै ‘हाम्रो कथाघर’लाई तेस्रो वार्षिकोत्सवको शुभकामना (छोटकरीमा) अनिवार्य व्यक्त गर्नुपर्नेछ । भिडियोको अन्तिममा कविले Like, Comment, र Share गर्न श्रोतालाई अनुरोध गर्न सक्नुहुनेछ ।

३. प्राविधिक मापदण्ड:

• भिडियो रेकर्ड गर्दा मोबाइललाई तेर्सो (Landscape मोड/YouTube शैली) बनाएर खिच्नुपर्नेछ ।
• भिडियोमा कुनै पनि प्रकारको पृष्ठभूमि सङ्गीत (Background Music) राख्न पाइनेछैन । आवश्यक सङ्गीत संयोजन आयोजकले नै गर्नेछ ।
• भिडियो पर्याप्त उज्यालो भएको र शान्त वातावरणमा रेकर्ड गरिएको हुनुपर्नेछ ।

४. सामाजिक सञ्जाल मूल्याङ्कन प्रक्रिया:

• प्राप्त भिडियोहरू जेठ १० गते हाम्रो कथाघरको आधिकारिक फेसबुक पेजमा अपलोड गरिनेछन् ।
• जेठ १० गते (अपलोड भएको समय)देखि जेठ २५ गते (सोही समय)सम्म प्राप्त दर्शक प्रतिक्रियाका आधारमा १२ पूर्णाङ्कको मूल्याङ्कन गरिनेछ । जसमा Views (३), Like/React (३), Comment (३) र Share (३) अङ्कभार रहनेछ ।

🏆 अन्तिम नतिजा तथा पुरस्कार वितरण:

प्रतियोगिताको अन्तिम नतिजा प्रकाशन तथा पुरस्कार वितरण आगामी असार २ गते ‘हाम्रो कथाघर’को तेस्रो वार्षिकोत्सव समारोहमा गरिनेछ । कार्यक्रमको विस्तृत जानकारी जेठ २५ गतेसम्ममा गराइनेछ ।

प्रतियोगितामा प्रथम, द्वितीय, तृतीय र उत्कृष्ट २ (सान्त्वना) स्थान हासिल गर्ने कविताहरूलाई तोकिएको नगद पुरस्कार तथा प्रमाणपत्र प्रदान गरिनेछ । साथै, उत्कृष्ट ३० मा परेका बाँकी २५ जना कविहरूलाई सम्मानपत्रद्वारा सम्मान गरिनेछ ।

थप जानकारी वा कुनै दुविधा भएमा हाम्रो कथाघरको आधिकारिक फेसबुक मेसेन्जरमा सम्पर्क गर्न सक्नुहुनेछ । धन्यवाद !