“जिम्दार साब ! म तपाईॅंहरूकै बालीघरेकी छोरी हूँ । छोड्नुहोस् न ।” पुतलीले जिम्दारसित आफ्नो अस्मिताको भिख मागी ।
“हॅं ! पानी पो नचल्न्या त ।” जिम्दारको पागलपन बोल्यो ।
हरेक शनिवार जिम्दार सिकार खेल्न जङ्गल जान्थ्यो । त्यो दिन पुतलीको साथीहरू भने बालबाल जिम्दारको हातबाट उम्किन सके । सिधा प्रहरी चौकी जान पनि दिमागले अह्राएछ । केही डोका र हॅंसियाहरू रोइरहेका थिए ।
प्रहरी टोलीको साथमा वडाध्यक्ष समेत घट्नास्थल तुरुन्त पुग्यो ।
“छोरो ! यो के गर्याको ? म तेरो बाउ हैन र !” हातमा हत्कडी लागेपछि जिम्दारको बोली थियो यो ।
“अहिले साइनो गन्ने बेला हैन । कानुनी राज्यमा सबै समान ।” वडाध्यक्ष कड्कियो ।
– म्यामराज राई
हतुवागढी- ६, होम्ताङ्, भोजपुर ( हाल – जापान )
प्रतिक्रिया