अनूदित लघुकथा:
नवयुग
सर्जक: सन्दीप तोमर
“हामी एक राष्ट्र, एक चुनावमा विश्वास गर्दछौँ ।”
— सत्ता पक्षका एक प्रतिनिधिले भने ।
— सत्ता पक्षका एक प्रतिनिधिले भने ।
“यसको सीधा अर्थ यो भयो कि— एउटा पार्टी, एउटा नेता, एउटा सरकार !”
— विपक्षका प्रतिनिधिले दृढतापूर्वक भने ।
— विपक्षका प्रतिनिधिले दृढतापूर्वक भने ।
“चिच्याओ, तिमीहरूको कसले सुनिदिन्छ ?”
“भनेपछि तपाईँहरू लोकतन्त्रलाई नै समाप्त पार्नुहुन्छ ?”
“लोकतन्त्र, यो कुन चराको नाम हो ?”
❦
भावानुवाद: जीवन सोनी
सन्दीप तोमर
(जन्म: ७ जुन १९७५, मुजफ्फरनगर, उत्तर प्रदेश, भारत) पेशाले अध्यापक तथा बहुआयामिक हिन्दी साहित्यकार हुन् । उनले कविता, कथा, लघुकथा, उपन्यास, समालोचना र गजल विधामा उल्लेखनीय सिर्जना गरेका छन् । उनका प्रमुख कृतिहरूमा सच के आस पास, थ्री गर्लफ्रेण्डस्, कामरेड सञ्जय, यंगर्स लभ, एस फर सिद्धि र एक अपाहिज की डायरी रहेका छन् । साहित्य र शिक्षण क्षेत्रमा पुर्याएको योगदानका लागि उनी बेस्ट टिचर अवार्ड, साहित्य सृजन सम्मान र हिन्दी रत्न सम्मान लगायतका विभिन्न सम्मानबाट सम्मानित भएका छन् ।
प्रस्तुत लघुकथा “नवयुग” उनको हालैको रचना हो ।