काठमाडौं।
२०८२ साल वैशाख १ गते, सोमबार, काठमाडौंमा साहित्य दिवसको अवसरमा विभिन्न साहित्यिक कार्यक्रम सम्पन्न भए। साहित्य संवर्धन केन्द्रको आयोजनामा बिहान ७:३० बजे भानु माध्यमिक विद्यालय अगाडि रहेको आदिकवि भानुभक्त आचार्यको प्रतिमामा साहित्यकार तथा साहित्यिक संघसंस्थाका प्रतिनिधिहरू भेला भई माल्यार्पण गरेपछि र्याली सुरु गरिएको थियो।
विभिन्न साहित्यिक संस्था तथा समूहले आ-आफ्ना ब्यानरसहित कार्यक्रममा सक्रिय सहभागिता जनाएका थिए। र्यालीले टुँडिखेलको परिक्रमा गरेर नेपाल प्रज्ञा–प्रतिष्ठानसम्मको यात्रा पूरा गरेको थियो।
नेपाल प्रज्ञा–प्रतिष्ठानको सिद्धिचरण कक्षमा आयोजित विशेष समारोहमा निम्न सात कृति विमोचन गरिएको थियो:
- ऋग्वेद — प्रा. डा. विद्यानाथ कोइराला
- अतृप्ति — डा. धनपति कोइराला
- समकालीन नेपाली निबन्धमा पूर्वीय दर्शन — सुधा शर्मा
- सुन्दर सपना — कुमार काफ्ले
- लौ भन्नोस् त — नवराज रिजाल
- देश डुल्ने पाइला — नारायणकैलाश सिग्देल
- आफ्नै देश राम्रो — आर्या घिमिरे
साहित्य दिवसको सन्दर्भमा नेपाली साहित्यमा योगदान पुर्याएका विभिन्न व्यक्ति तथा संस्थाहरूलाई सम्मानित गरिएको थियो। हरिहर शास्त्री–सावित्रीदेवी साहित्य पुरस्कार आख्यानकार प्रा. डा. ध्रुवचन्द्र गौतमलाई प्रदान गरिएको थियो भने साहित्य संवर्धन दृष्टा सम्मान प्रा. डा. लक्ष्मणप्रसाद गौतमलाई प्रदान गरियो। तीबाहेक विभिन्न विधामा १५ वटा साहित्यिक पुरस्कार प्रदान गरिएका थिए।
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
