❛❛
समानता! समता! यी शब्द हावामा उड्छन्,
चिया पसलदेखि संसदसम्म हुर्कन्छन्।
पर्चा र पोस्टरमा छपिन्छन् बाक्लो,
सडकको धूलोमा हराउँछन् सक्लो।
किसान भन्छ – म पनि हो नि नागरिक,
पानी, बाटो, विद्यालय – छैन अधिकारिक।
नेता आउँछ, हात मिलाउँछ, फोटो खिचाउँछ,
फर्केर कहिल्यै नहेरी, कुर्सीमा निदाउँछ।
शिक्षक भन्छन् – सबै बच्चा समान,
तर डोनेसनले बनाउँछ छुट्टै स्थान।
कोही पढ्नै नपाई पर्दछन् घरमै थला,
किताबको समता, खोक्रो कुरा जस्तो भला।
मन्दिरमा लेखिएको “समान प्रवेशको हक”,
तर ढोकामा सोधिन्छ थर र जातको पक्ष।
अनुहार हेरी आँखा झुकाइन्छ,
समता त्यसैगरी कतै लुकाइन्छ।
राजा छैन, तर नयाँ राजा छन्,
सायरनमा चिच्याउँने बाटा फरक छन्।
बोल्छन् – “सबै नागरिक बराबर”,
तर नियम छ उनीहरूका लागि मात्र जवार।
भोट हाल्दा मात्र हामी समान,
पछि हाम्रै भाग्यमा बस्ने अपमान।
हामी त दर्शक, बजाउने ताली,
नेता र सिस्टमको चलिरहन्छ हाली–मोहाली।
समानता र समता किताबमा होइन, जीवनमा देऊ,
तिम्रा नारामा मात्र होइन, नियतमा देऊ।
जुन दिन व्यवहारमा आउँछ यी शब्दका रंग,
त्यो दिन हो साँचो समता, जहाँ नहोस् कुनै भंग।
सुजन पन्थ
शिवपुरी–५, नुवाकोट
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
