सुनौलो किरणको आगमनबाट
बिहानी, मध्य दिनमा हिँड्दाहिँड्दै
रातले रोएको आँसु पुछ्न नपाउँदै
मेरो श्रमको पसिना
मलायाको तातो बालुवामा
बिलाएको छ शीत बनेर
हिउँद लागेपछि गौंथली,
मेरो कोठाको दलिनमा गुँड बनाउँछे
हराएको पोइ खोजेर ल्याउँछे,
भोकाएका बचेरालाई चारो खुवाउँछे
साह्रै लोभलाग्दो छ
उसको संसारिक घरजम
र, कल्पनाको सुन्दर सिर्जना गर्न
म बालुवाको रातो सिन्दुर पैँचो माग्दैछु
दाह्रीवाला मुदिरसँग मेरी नव दुलहीको लागि
जीवनभरिको वास्तविक सपना
लिलामीमा राखेर
पाखुराको सामर्थलाई।
सुखको आसमा फेरेको थिएँ लामो स्वास
चुरोटको धुवाँसँगै उड्यो
नागवेली उकालोमा र ठोक्कियो पहाडमा
बिलाउँदै गए सपनाहरू
त्यही मेरो अपुरो सपनाले चलेको रहेछ देश
मेरो रगत र पसिना
शित, धुलो, धुँवा र बालुवा
सिन्दुर, सपना र लिलामी पो रहेछ रेमिट्यान्स।
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
