लघुकथा: राँटो
लघुकथाकार: ईश्वर पोखरेल
तेह्र वर्ष भयो – रोहिणीले चस्मा लगाउन थालेको । चस्मा पनि छ । तर अब डाक्टरले ‘नयाँ चस्मा बनाउनुहोस्’ भनेपछि बनाउनु परिहाल्यो ।
रोहिणीले नयाँ चस्मा लिएर आइन् ।
सोचिन् – ‘लगाउँदै आएको चस्माले अक्षर देखिन छाडेपछि यो लगाउनु पर्ला ।’
त्यसै गरिन् ।
दुई वर्षपछि रोहिणीले फेरि आँखा जचाउन जानु पर्यो । यसपटक पनि डाक्टरले ‘नयाँ चस्मा बनाउनू भन्लान्; यही देखाइदिन्छु’ भन्ठानेर रोहिणीले नयाँ र पुरानो दुवै चस्मा लिएर गइन् ।
रोहिणीको अनुमान सही साबित भयो; डाक्टरले ‘नयाँ चस्मा बनाउनुहोस्’ नै भने ।
रोहिणीले नयाँ चस्मा देखाइदिइन् ।
डाक्टरले चस्माको पावर जाँचे र भने – “यसले काम गर्दैन; नयाँ बनाउनुहोस् ।”
लौ; परिवर्तनलाई सही पहिचान गर्न चुक्दा समयको हलोले रोहिणीको नयाँ चस्मा वा सोचलाई राँटो बनाएर गएछ ।
बाहिर बेन्चमा रोहिणीलाई धेरै बेरसम्म थकथक मानिरहेको अवस्थामा देखियो ।
–०००–
बोझेपोखरी, ललितपुर
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
