लघुकथा: बासस्थान
लघुकथाकार: डा. हंसराज
एक असी वर्षीय वृद्ध बिहानको न्यानो घाममा वृद्धाश्रमबाहिर बसेर कागजको टुक्राबाट चराको गुँड बनाउँदै थिए । आफ्नाहरूले नै उनलाई घरबारविहीन बनाए तापनि उनले कहिल्यै आफ्नो आत्मसम्मान त्यागेनन् । बरु गुँड बेचेर कमाएको पैसाले उनी आत्मसम्मानका साथ बाँचे र आवश्यक पर्दा अरूलाई पनि मद्दत गरे ।
मैले उनलाई भनेँ, “यी गुँडहरू अद्भुत छन् । म चारवटै किन्न चाहन्छु ।” त्यो दिन उनीसँग जम्मा चारवटा मात्र गुँडहरू थिए ।
उनले सोधे, “के तपाईंलाई साँच्चै यी गुँडहरू मन परेका हुन् ?”
मैले भनेँ, “हो बाबा, यी गुँडहरू साँच्चै अद्भुत छन् किनभने यिनीहरूले तपाईंको आत्मसम्मान र तपाईंको साहसको चमक झल्काउँछन् । यिनीहरूले मलाई सधैँ सम्झाउनेछन् कि कोही पनि कहिल्यै असहाय हुन सक्दैन; साहसको उडान नै सबैभन्दा उच्च उडान हो ।”
उनले गम्भीर हुँदै भने, “मैले मेरो जीवनमा बनाएको घर अब मेरो लागि कामको रहेन । आज म बसेको घर अरू कसैले बनाएको गुँड हो । सायद मैले बनाएको गुँड चराको बासस्थान बन्नेछ ।” यसो भन्दै उनले मलाई चारै वटा गुँड दिए र मुस्कुराउँदै प्रशस्त आशीर्वाद पनि दिए ।
त्यो दिन, मैले महसुस गरेँ कि साँचो बासस्थान इँटा, ढुङ्गा र कङ्क्रिटले नभई मानवता र साहसले बन्दोरहेछ ।
–०००–
वरिष्ठ सहायक प्राध्यापक, रतन सेन डिग्री कलेज, सिद्धार्थ नगर, उत्तर प्रदेश, भारत
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
