कवि: सलिन विष्ट
सृष्टिको उपहार यो हिमशिखरको काखैमा,
सभ्यताको दीप बल्छ यहाँ प्रेमको साखैमा,
डाँफे मुनाल नाच्छन् लोकगीतको भाकामा,
लालीगुराँस हाँसेका छन् डाँडा र पाखामा ।
स्वाधीनताको गर्विलो दियो कहिल्यै रेटिन्न,
अमर वीरका ती बलिदान कहिल्यै मेटिन्न,
सीता माताको त्यागले यहाँ माटो छ बोलेको,
मानवताको मार्गमा यो मन दयाले खोलेको ।
वेद र पुराणको गहिराइ पनि यहीँ नै भेटिन्छन्,
सृष्टिको रहस्यको गाँठो पनि यहीँ नै मेटिन्छन्,
किसानले हलो-कोदालोले धर्तीलाई खनेको,
पसिना बगाई अन्न फलाउँदै उब्जाउ बनेको ।
न्यानो पवन चल्दा मन यो मेरो कति रम्दछ,
श्रम पौरखको त्यो मीठो फल यहीँ नै फल्दछ,
बुद्धको शान्तिको सन्देश पनि विश्वभर पुग्दछ,
ज्ञानको मूलधारा चेतना पनि यहीँबाट बग्दछ ।
श्री पशुपतिनाथको कृपाले यो धर्ती पवित्र छ,
जनकपुरको अमर कीर्ति त अझै विश्वचित्र छ,
साहस र स्वाभिमानले भरिएको मेरो देश नेपाल,
हिमाल, पहाड, तराईको स्वरूप छ कति विशाल ।
बनेपा-१२, काभ्रे
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
