कवि : डा. हरिकुमार श्रेष्ठ ‘शिखर’
अँध्यारो रात चिर्दै,
बिहानी खोज्दै
फुत्त डाँडाबाट निस्केको
सुकुमार सूर्य मुस्कुराएझैँ
शीतल धरती र आकाश चुम्ने
चरीको स्वरलहरीसँगै
मुस्कानको बाँसुरी झन्झन् मुस्कुराउँछ ।
कहिले खुसीमा आँत फुकाएर,
कहिले दुःखमा पीडा र आँसु लुकाएर
मुस्कुराइरहन्छ मुस्कानको बाँसुरी
तर अनभिज्ञ छन् –
मठाधीशहरू ।
मुस्कानको मर्म
थाहा पाउँछन् केवल
पीडाको शोध गर्नेहरूले,
पीडा कसरी लुकाइन्छ भनेर ।
तर
जब शरीर थाक्छ,
तब मुस्कान हराउँछ,
अनि ऊ खुला पुस्तकालय बन्छ
जहाँ पढ्छन् जोसुकैले पनि,
तर केवल बुझ्छन् –
अनुभूति गर्नेहरूले मात्र ।
नागार्जुन–१०, काठमाडौँ
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
