आँखी झ्यालको
सानो सानो
प्वालबाट चिहाएर
विशाल भवसागरको
परिकल्पना गरेर
आफैँलाई
भ्रमको पर्दाभित्र रुमलिएको पाउँदा
मेरा यी नयनहरूमा
अश्रुहरू प्रतिस्पर्धा गर्दै
मानवीय प्रवृत्तिलाई
गिज्याइरहेको पाउँछु ।
सदियौँदेखि
सती प्रथा हटेको
भ्रमात्मक खबरले
मलाई विक्षिप्त पारिरहेको छ
यहाँ पलपलमा
छोरीचेली भावनाको
चितामाथि सती गएकी छे
कहिले – जातको नाममा
कहिले – दाइजोको
त कहिले – विनाकारण जिउँदै जलिरहेकी छे
बालविधुवा हुँदा पनि
समाज र परम्पराको घुम्टो ओढेर
आफ्ना
— इच्छा
— चाहाना
— रहरलाई
पैतालामुनि दबाएर
जीवन बिताउन बाध्य हुन्छे ।
त्यहीँ समाजको पुरुष
श्रीमती मरेको
महिना दिन नबित्दै
विवाहको लागि तयार पारिन्छ
त्यसैले
यो अबोधपनाभित्रको
मौनताले उब्जाएका
अनेकौँ अनेक
प्रश्नको उत्तर
कुरिरहेको छु त्यो
शब्दात्मक समानता
होइन व्यावहारिक
समानतालाई
शताब्दीको शिखरबाट!!
चन्द्रागिरी ८ काठमाडौँ
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
