❝
सुनसान रात—
टुटेका सपना,
अँध्यारा गल्लीहरू,
भ्रष्टाचार र अन्यायले ढाकिएको देश ।
युवा—
हातमा रित्तो थैलो,
मुटुमा अनगिन्ती प्रश्न ।
तर पसिना, सङ्घर्ष र विश्वास
भोलिको सूर्यका किरण हुन् ।
सपना देखेर मात्र पुग्दैन—
कर्म, साहस र आस्थाले मात्र
सुनसान रात उज्यालो हुन्छ ।
देशका गल्ली–गल्लीमा
आवाज उठ्छ—
“हामी उठ्नेछौँ,
हाम्रो भविष्य हामीले बनाउनेछौँ ।”
सुनसान रात डराउँदैन,
किनभने आमाको माया,
माटोको सुगन्ध,
र
हाम्रो आत्माको ज्वालामा
अँध्यारोलाई चिर्ने शक्ति छ ।
❞
—०—
म्याग्दी