बाल कविता : संसार उसकै, अमिताभ जो छ
कवि : विष्णु ढकाल
भिजेर माटो, जब बीज फुट्छन्
उम्रेर ठूला, बर-वृक्ष बन्छन् ।
पानी र माटो, सँग बीज मिल्दा
देख्यौ कि नानी ! वन-वृक्ष ठूला ?
कसले स्थलैमा, किन वृष्टि भर्छन् ?
कसले स्थलैमा, किन वृक्ष दिन्छन् ?
कसले यसरी, तिन रङ्ग भर्यो ?
कसले बुटामा, फल-फूल भर्यो ?
दिएर काखै, सब पङ्ख पाल्ने
दिएर पातै, सब जन्तु पाल्ने ।
हामी रमेका, फल-फूल खाई
हामी बचेका, यिन वायु पाई ।
कसले बनायो, क्षण-काल यहाँ
कसले बनायो, दिन-रात यहाँ ?
कसले बनायो, थल-शैल यहाँ
कसले रचायो, तिन वृक्ष यहाँ ?
प्रकाश कसको ? किन दीप बल्छ ?
अभेद्य यस्तो, कुन ज्ञान हो यो ?
संसार कसको, कसले चलायो ?
अनन्त बाँच्ने, कसले रचायो ?
अभीष्ट कसको, यस मूल्य के हो ?
विज्ञान कसको, यस कीर्ति कसको ?
विज्ञान उसकै, अभिलाष जो छ
संसार उसकै, अमिताभ जो छ ।
–०००–
कन्याम, इलाम
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
