“दुई दिनपछि हाम्रो ठाउँमा माननीयज्यू आउँदै हुनुहुन्छ । उहाँको स्वागत भव्य र यादगार हुनु पर्छ । के कसरी गर्ने? छलफल गरौँ ।
“युवा क्लबका अध्यक्ष समीरले साथीहरूसंग प्रस्ताव राख्यो ।”
क्लबका सबैजना मिटिङमा बसे । छलफल सुरू भयो ।
कसैले ठूलो रेस्टुरेन्टमा लगेर खाना खुवाउने भने, कसैले लजमा वा पार्टी कार्यालयमा बसौँ भने ।
अशोक जुरूक्क उठ्यो र भन्यो,
‘सबैभन्दा राम्रो त उहाँको आगमनको अवसरमा कुनै कार्यक्रम राखौँ । त्यसो गर्दा उहाँ पनि खुसी हुने हामीले पनि स्वागत् गरे जस्तो हुने भयो ।’
सबैले सहमति जनाए । कार्यक्रम सफल पार्न व्यापक सहभागिता जुटाउने प्रयासमा प्रचार-प्रसार सुरु भयो, घरदैलोमा पुगेर सबैजनालाई उपस्थिति जनाउन अनुरोध गरे ।
नजिकैको चौतारीमा तोकिएकै समयमा माननीयज्यूको आगमन भयो । स्वागत कार्यक्रम सुरू भयो । उद्घोषकले अतिथि आशन ग्रहण गराए । मञ्चामुखभन्दा मञ्चासिन धेरै भए । कार्यक्रम सञ्चालकले अतिथिहरुलाई क्रमश: मन्तव्यका लागि समय दिदै थिए, माननीयज्यूले खुसुक्क अध्यक्ष समीरलाई सोध्नु भयो,
“खै त, मानिस यत्ति हुन् ?”
समीरले पनि खुसुक्कै जवाफ दियो,
“बोलाउन त सबैलाई बोलाएको हो । आइदिएनन् के गर्नु ? को आफ्नो, को पराई ? जनता अब विश्वासका लायक भएनन् । केही भन्यो कि उल्टै खाउँला जस्तो पो गर्छन् ।”
कुरा सुनिरहेका माननीयज्यू टाउको निहुर्याएर सोच्दै थिए,
“जनता पहिलाका जस्ता भेडा रहेनछन् । अब राजनीति गर्न गाह्रो छ ।”
गैंडाकोट ४ नवलपुर
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
