डिकी डोल्माले डेन्डाङ बजार नजिकैको चिनिया गाउँको केटासँग दोस्रो बिहे गरिन् । लोग्नेसँगै माइत आएको बेला डोल्माका बाबु र दाजु अलैंची टिप्न जाने भए । टन्न छ्याङ खाएको उनको लोग्ने पनि अलैंची टिप्न जान खोज्यो । डोल्माले बिन्तीभाउ गरेर उसलाई रोकिन् । किनभने त्यो अलैंची बगान अरुण नदी छेउको कठिन पहरामा थियो।
डोल्माको पहिलो बिहे हुङगुङ गाउँको केटासँग भएको थियो । ससुराली बस्न आएको बेला टन्न छ्याङ खाएर अलैंची गोड्न गएको ऊ भीरबाट अरुण नदीमा खसेर मरेको थियो । बिहे भएको २ महिनामै उनी विधवा भएकी थिइन् ।
भोलिपल्ट डोल्माका बुढाबुढी अलैंची टिप्न जाने भए । जाने बेलामा जाँडरक्सी खान हुँदैन, फर्कने बेलामा पो खाने हो भनेर उनले सातु र चिया मात्र खान दिइन् ।
असजिलो ठाउँको अलैंची उनको बाबु र दाजुले टिपिसकेका रहेछन् । सजिलो ठाउँको अलैंची उनीहरूले टिपे र भारी बोकेर चौतारामा आएर खाजा खान लागे । यसैबीचमा दाउरा लिन गएका डोल्माका साथीहरू पनि आइपुगे । सबैजनाले बाँडीचुँडी खाजा खाए ।
छ्याङ खादै उनको लोग्ने छेवाङले सोध्यो – ” डोल्मा ! तिमीलाई के कुराको डर लाग्छ । ”
“मलाई अरू केही कुराको डर लाग्दैन । तर म तिमीलाई एक्लै हिमाल चढ्न र एक्लै अलैंची गोड्न टिप्न जान दिन्न । किनकि हिमाल चढ्न जाँदा मेरो जेठो दाजु र अलैंची गोड्न जाँदा मेरो पहिलो लोग्ने भिरबाट खसेर मरेका थिए । “डोल्माले प्याट्ट गालामा हान्दै बोलिन् । उनका साथीहरू भने ताली बजाउन थाले ।
मातातीर्थ ,बालागाउँ
काठमाडौं
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
