हाम्रो सम्बन्ध
पाँच औंलाको घनिष्ट सम्बन्ध
न त एक अर्कामा रिस छ , न त डाह नै
सम्पन्न गर्नु छ हामीले एउटै काम ।
जब एउटा औंला लुटिन थाल्छ
तब अरु चारको के काम ?
हामी त निष्कलङ्क मानववादमा अघि बढ्छौं ।
हामीले के चाहिँ काम गरेका छैनौं र?
लेख्ने देखि लेखाउँने सम्म,
खेद्ने देखि खेदाउँने सम्म,
कुट्ने देखि कुटाउने सम्म,
लुट्ने देखि लुटाउने सम्म,
सबै कामहरूको अनुभवी छौँ ।
जब तिम्रो नियत भ्रष्ट हुन्छ तब हामी जुर्मुराउँछौँ बिरूद्ध मा
जब तिमीले सबैलाई समान देख्छौ
तब हामी उज्यालो बन्छौँ
हामीले केवल
सधैं आज्ञाकारी हुन मात्र जान्यौं
राम्रो नराम्रो छुट्याउँन खोजेनौ ।
जब तिमीमा अभिमान उत्पन्न हुन थाल्दछ
तब सन्नद्ध भएर
अर्को मान्छेको सम्मुखमा ठडिन पुग्छौँ
कहिले चोर्न सघायौं त कहिले फोर्न सघायौं
कहिले यतै यता तान्न सघायौं
त कहिले तिम्रो आफ्नो बिरानो छान्न सघायौं
कहिल्यै सिकाए नौ निर्माणका बाटाहरू ।
अब ब्युँझिएका छौँ हामीहरू
हरेक मान्छेको मूल्य बुझ्न सक्ने भएका छौँ
त्यसैले,
मान्छेको बिरूद्ध तिमीले कुनै कदम चाल्यौ भने
हामी तातो फलाम बनेर उभिनेछौँ
र बनाउँने छौँ सबैको लागि सुन्दर संसार ।
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
