यो माटो हाम्रो सिन्दूर हो,
यो आकाश हाम्रो गौरव हो।
तर किन हाम्रो सपना तुइन्छ?
किन हाम्रो गाउँ सधैं रुन्छ?
सहर झलमल, गाउँ अध्यारो,
किन हाम्रो पसिनामा अरूको सुसारो?
चुनाव आउँछ, आश्वासन दिन्छ,
तर उही अध्यारो, उही दिनचर्या किन छ?
अब उठ्ने बेला भयो,
नयाँ घाम झुल्काउने बेला भयो।
निमुखाको घाउ निको पार्न,
आफ्नै शक्ति अब जगाउने बेला भयो।
केन्द्रले सधैं लोभ्यायो,
आश्वासनका महल देखायो।
तर हाम्रो माटोमा सुक्खा छ,
यहाँका सपना किन रित्तै छन्?
अब हामी आफैं लेख्नेछौं
विकासको नयाँ गाथा।
क्षेत्रीय शक्तिले जगाउनेछ
गाउँ–सहर जोड्ने कुरा साँचो।
तर,
एउटै खेतका बीउ हौं हामी,
एउटै पानीले हुर्केका।
केन्द्र र क्षेत्र मिलेरै
देशको सपना बुनेका।
सहकार्य गरौं, सन्तुलन गरौं,
नयाँ युगको आधार राखौं।
न स्वार्थ, न छल, न बेइमानी—
साँचो विकासको बाटो ताकौं।
अब नझुकौं, अब नझुकाऔं,
साँचो समृद्धि आफ्नै हातले ल्याऔं।
क्षेत्रीय सोच, समग्र उन्नति—
यसैबाट हुन्छ राष्ट्रको स्थायित्व।
सपनाहरू अब साँचो बनाऔं,
स्वाभिमानका दीप जलाऔं।
यो हाम्रो माटो, हाम्रो धरोहर—
अब क्षेत्रबाटै विकासको उज्यालो फैलाऔं।
हाम्रा खेत बाँझा किन छन्?
हाम्रा युवा विदेश किन छन्?
घरमा बुढेसकाल एक्लो छ,
आकाशमा चराहरू टहलिरहेका छन्।
हामीले किन हाम्रै अधिकार बिर्स्यौं?
किन सधैं अरूको भर पर्यौं?
सत्ताको दलदलमा फस्ने कि
अब आफ्नै बाटो कोर्ने?
अब आफ्नै सपनाको खेती गरौं,
नयाँ सिँचाइ, नयाँ माटो रोजौं।
आफ्नै गाउँमा फूल फुलाऔं,
आफ्नै बस्तीमा उज्यालो ल्याऔं।
क्षेत्रीय दल बलियो बनाऔं,
लोकतन्त्रको असली अर्थ बुझाऔं।
निधार उचालेर, शिर ठाडो राखौं—
अब अरूको भरमा नपरी,
आफ्नो बाटो आफैं बनाऔं।
केन्द्र र क्षेत्र मिलेर अघि बढौं,
भाषा, संस्कृति, माटोलाई जोडौं।
अब हाम्रो नेतृत्व हाम्रो हातमा—
नयाँ युगको विकास हाम्रै बाटोबाट!
मतिगढा, सिलगढी
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
