काठमाडौँ : गिद्धे प्रेस युट्युब च्यानलले आफ्नो पहिलो वार्षिकोत्सव मनाएको छ।
“उत्साह र समर्पणको पहिलो वर्ष!” स्लोगानका साथ आफ्नो पहिलो वार्षिकोत्सव मनाएको अवसरमा गिद्धे प्रेसले पहिलोपटक दुईवटा राष्ट्रिय पुरस्कार प्रदान गर्यो। यसअन्तर्गत “गिद्धे प्रेस अमर स्रष्टा सत्यमोहन जोशी राष्ट्रिय सिर्जना पुरस्कार–२०८१” साहित्यकार श्याम प्रधानलाई र “गिद्धे प्रेस सोमनाथ घिमिरे राष्ट्रिय पत्रकारिता पुरस्कार” अर्पण गरियो। नगद राशि सहितका यी पुरस्कार गिद्धे प्रेसले आफ्नै पहलमा स्थापना गरेको हो।
पुरस्कार प्रदान गर्दै कार्यक्रमका प्रमुख अतिथि एवं ललितपुर महानगरपालिकाका प्रमुख चिरीबाबु महर्जनले सत्यमोहन जोशीको योगदान र ललितपुर नगरले उहाँको सम्मानमा गरेका कामबारे चर्चा गर्नुभयो। उहाँले यस्ता अभियानले सत्यमोहन जोशीको योगदानलाई जीवन्त बनाउने र पुरस्कृत व्यक्तित्वको पनि उचित मूल्याङ्कन हुने विश्वास व्यक्त गर्नुभयो।
उहाँले नेपाली युट्युब पत्रकारितामा गिद्धे प्रेसले परिपक्व पत्रकारिता गरिरहेको बताउँदै आफ्नो जीवनमा पहिलोपटक अन्तर्वार्ता दिँदा गिद्धे प्रेससँग धेरै अन्तरंग भएर खुलेको कुरासमेत स्मरण गर्नुभयो।
कार्यक्रममा डा. तुलसी भट्टराईले साहित्यमा सत्यमोहन जोशीको योगदानलाई चिरकालसम्म स्मरण गराइरहन यस्ता कार्यक्रम प्रभावकारी हुने बताउनुभयो। उहाँले पुरस्कृत स्रष्टा श्याम प्रधान यस्तो पुरस्कारको véritable हकदार भएको विचार व्यक्त गर्नुभयो।
यस्तै, नेपाल प्रज्ञा प्रतिष्ठानका पूर्वउपकुलपति विष्णुविभु घिमिरेले साहित्य र पत्रकारितालाई सँगसँगै जोडेर गिद्धे प्रेसले गरेको काम उदाहरणीय भएको बताउनुभयो।
कार्यक्रममा वरिष्ठ पत्रकार सोमनाथ घिमिरेले आफ्नो नाममा पुरस्कार स्थापना भएको सुन्दा आफू आश्चर्यचकित भएको बताउँदै वर्तमान समयमा नेपाली पत्रकारिता जोखिममा रहेकोतर्फ सङ्केत गर्नुभयो।
पुरस्कृत स्रष्टा श्याम प्रधानले यति ठुलो नामसँग जोडिएको पुरस्कार आफूले प्राप्त गरुँला भन्ने कल्पनासमेत नगरेको बताउनुभयो। उहाँले यस पुरस्कारले साहित्यसेवामा थप सक्रिय भएर लाग्न अझ हौसला मिलेको धारणा राख्नुभयो।
गिद्धे प्रेसका सम्पादक एवं सञ्चालक कवि ठाकुर बेलवासेले साहित्य र पत्रकारिताका क्षेत्रमा पुरस्कार स्थापना गर्दा संस्था अझ बलियो हुने र कामको क्षेत्र फराकिलो बन्ने बताउनुभयो। उहाँले यी पुरस्कारहरूलाई संस्थागत बनाउने प्रणसमेत गर्नुभयो। बेलवासेले भ्युज र पैसाका लागि मात्र गिद्धे प्रेसले काम नगरेको स्पष्ट पार्दै आफूहरूले प्रसारण गरेका हरेक सामग्री अभिलेखमा सुरक्षित राखेको जानकारी दिनुभयो।
कार्यक्रममा उपस्थित अतिथिहरूलाई कवि प्रद्युम्न जोशीले स्वागत गर्नुभएको थियो भने कार्यक्रमको सञ्चालन कवि युवराज शर्माले गर्नुभएको थियो।
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
