मैले स्नातक पढेका,
अनपढ देखेकाे छु!
मैले बिद्यालय नगएका,
बिज्ञ भेटेकाे छु।
मैले आफू शिक्षित भनिएकाले,
गरेकाे असभ्य ब्यवहार देखेकाे छु!
मैले अशिक्षित भनिएकाले,
निर्माण गरेकाे सभ्यता देखेकाे छु।
त्यसकारण…
म कस्लाइ शिक्षित मानौँ ?
मैले दिनहु मन्दिर धाउने
अधर्मि देखेकाे छु!
मैले मन्दिर नटेकेका
महात्मा भेटेकाे छु ।
मैले काल्पनिक बिज्ञता देखाउन
गरेकाे बहस सुनेकाे छु!
मैले ज्ञानिहरूमा
शान्ति र गहन माैनता भेटेकाे छु।
मैले धनवान्, दरिद्र देखेकाे छु!
मैले निर्धन, सम्राट भेटेकाे छु ।
मैले भुइमान्छेबाट
सभ्यता सिकेको छु!
मैले ठुला भनिएकाबाट
अहंकार सिकेकाे छु ।
त्यसकारण…
म कस्लाइ महान मानौँ ?
म कस्लाइ तुच्छ ठानौँ ?
प्रतिक्रिया