नेपाली साहित्य जगतमा विशिष्ठ स्थान पकड गर्न सफल स्थापित साहित्यकार हनुहुन्छ प्रा.डा. शैलेन्दुप्रकाश नेपाल । उहाँकाे जन्म २०१८ मंसिर १९ गते पिता पुर्णप्रकाश यात्री र माता चन्द्रकुमारी नेपालकाे सुपुत्रका रूपमा कटुञ्जे, भाेजपुरमा भएकाे हाे। उहाँले एम.ए. बि.एड एवम् नेपालीमा विद्यावारिधि हासिल गर्नु भएकाे छ।
उहाँका प्रकाशित कृतिहरूमा गीतिकाव्य, कविता, खण्डकाव्य, महाकाव्य, उपन्यास, बालसाहित्य र पाठ्यपुस्तक लेखन गरि चार दर्जन कृतिहरू प्रकाशित भएका छन्।
विभिन्न साहित्यिक संघ संस्थामा नेतृत्व गर्नुभएका डा. नेपाल “हिमाली साैगात” पत्रिकाकाे सम्पादक र प्रकाशक पनि हुनुहुन्छ।
साहित्यमा उल्लेखनिय याेगदान गरे वापत तीन दर्जन भन्दा बढि सम्मान र पुरस्कार प्राप्त गर्नु भएका आदरणीय व्यक्तित्व प्रा.डा. शैलेन्दुप्रकाश नेपालका केही हाइकुहरूलाई यहाँ प्रकाशित गरेका छाैँ।
१.
गुरु नभए
मान्छे चल्ने कसरी
श्वास नरहे।
२.
मादल ताल
प्रकृतिकाे माथमा
बाेल्छ नेपाल ।।
३.
धुलिखेलमा
खुल्दुली मात्र भाे नी
खेल्न मिलेन।।
४.
साकुरा पैयुँ
जापान र नेपाल
मैत्री आँकुरा ।।
५.
पञ्चतत्वकाे
सप्तऋषिको विज्ञान
पञ्चामृत हाे।।
६.
चर्काे घाममा
रसिलाे फलफूल
तिम्राे सम्झना ।।
७.
पैयुँ हाे हाम्रै
साकुरा जापानमा
मान हाे राम्राे।।
= संकलन तारा के. सी
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
