जाडो आउन लाग्यो कि त गर्दै खुसुखुसु
आकाशले शीत छर्न थाल्यो छुसुछुसु
बिस्तार बिस्तार मौसम अब हुन थाल्यो चिसो
सिरक छोड्न मनै हुन्न टाँस्सिए झैँ लिसो
आऊँ कि नआऊँ गर्दै कुहिरो आयो लुसुलुसु
आकाशले शीत छर्न थाल्यो छुसुछुसु
गल्बन्दी र टोपी जे छन् बाकसमा खोज्छु
पोहोर सालको स्विटर कहाँ छ आमासँग सोध्छु
कुहिरो फाटी घामले च्यायो हाँस्दै मुसुमुसु
आकाशले शीत छर्न थाल्यो छुसुछुसु ।
प्रतिक्रिया