तिहारको निम्तो

पीपल बोटमा बसेर
मीठो गीत गाऊ
काग तिम्रो तिहारमा
खाजा खान आऊ

एकैछिन बसेर
बल्ल डुल्न जाऊ
कुकुर तिम्रो तिहारमा
भात खान आऊ

आँगनीमा राखेर
पुज्छौँ तिम्रो पाउ
गाई तिम्रो तिहारमा
खोले खान आऊ

बत्ती धेरै बालेका छौँ
उज्यालोमा छाऊ
लक्ष्मी तिम्रो तिहारमा
नैबेत खान आऊ

आज खेतमा ज‍‍‍ोताउने
छैन हाम्रो दाउ
गोरु तिम्रो तिहारमा
कुँड‍ो खान आऊ

दिदीसँग टीका लाऊ,
फूलको माला लाऊ
भाइ तिम्रो तिहारमा
रोटी खान आऊ ।