‘असारकाे महिना प्राविधिकलाई काम गर्न भ्याइनभ्याई हुन्छ । नेपालकाे प्रणाली नै ठीक छैन । “दिन उजेली सुती बिताई, रात उजेली बिस्कुन सुकाई ।” साउनमा आर्थिक वर्ष शुरुभए पनि बैशाखबाट मात्र याेजना शुरु गरिन्छन् र असारमा पाल टाँगेर भए पनि निर्माण कार्य गरिन्छन् । असारे विकासले हामी प्राविधिकलाई धेरै धपेडी हुन्छ।’ सब-इन्जिनियर कृष्णले सुस्केरा पाेख्याे।
‘अँ त नि! वर्खामास बाढीपहिरोकाे पनि डर हुन्छ । झरी र गर्मी पनि उस्तै । हिउँदमा नै विकासका काम गरे कति जाती हुन्थ्याे।’
हाेटल साहुजीले सही थापे ।
बाहिर मुसलधारे पानी परिरहेकाे थियाे । ऊ काेठामा बसेर दिनभरि हेरेका याेजनाहरुकाे मूल्याङ्कन प्रतिवेदन तयार पार्दै थियाे । काम सकेर राती बाह्र बजे सुत्याे ।
राती भीषण पहिराे आयाे र त्यहाँ रहेका चार घर नै साेहाेरेर लग्याे । र, एक हप्तापछि मात्र उसकाे शव खोला किनारामा फेला पर्यो । तर सयौं योजनाका प्रतिवेदन र उसको इमान्दारिता पहिरोसँगै बगेर गएको नियतिलाई मात्र थाहा भयो ।
– मातातीर्थ, काठमाडौं
नेपाली भाषा साहित्यलाई माया गरेर यहाँसम्म आइ, यहाँ प्रकाशित लेख/रचनाहरू पढिदिनु भएकोमा तपाईँलाई धेरै धेरै धन्यवाद। तपाईँले भर्खरै माथि पढेको लेख/रचना कस्तो लाग्यो कमेन्ट बक्समा आफ्नो प्रतिक्रिया राख्न सक्नु हुनेछ। आफ्नो मनमा लागेको प्रतिक्रिया राख्न तपाईँ स्वतन्त्र हुनुहुन्छ। यदि तपाईँ पनि नेपाली भाषा साहित्यमा कलम चलाउनु हुन्छ भने आफ्नो छोटो परिचय र एक प्रति अनुहार चिनिने तस्बिर सहित आफ्ना लेख/रचनाहरू हामीलाई hamrokathaghar@gmail.com मा पठाउन सक्नु हुनेछ। अन्य कुनै पनि जानकारीका लागि +९१८७३८०९३५७३ नम्बरमा ह्वाट्सएप गर्न सक्नु हुनेछ। धन्यवाद । नोट: यहाँ प्रकाशित कुनै पनि लेख/रचनाहरू लेखकको वा 'हाम्रो कथा घर' को अनुमति बिना कुनै पनि माध्यमबाट प्रकाशन प्रसारण गर्न पाइने छैन । अन्यथा, यस्तो गरिएको पाएमा प्रचलित कानुन बमोजिम कारबाही गरिने जानकारी गराउँदछौ।
